Poetry 9

Ku Ba Ku Phail Gai Baat Shanasai Ki

Ku Ba Ku Phail Gai Baat Shanasai Ki
Us Ne Khushbu Ki Tarah Meri Pazirai Ki

Kaise Keh Dun K Mujhe Chor Diya Hai Us Ne
Baat To Sach Hai Magar Baat Hai Ruswai Ki

Wo Kahin Bhi Gaya Lauta To Mere Pas Aaya
Bass Yahi Baat Hai Achi Mere Harjai Ki

Tera Pehlu Tere Dil Ki Tarah Abaad Rahe
Tujh Pe Guzre Na Qayamat Shab-E-Tanhai Ki

Us Ne Jalti Hui Peshani Pe Jo Hath Rakha
Rooh Tak Aa Gai Taasir Masihai Ki


Ek Baat Kahon Agar Sunte Ho

Ek Baat Kahon Agar Sunte Ho
Tum Mujhko Achhe Lagte Ho
Kuch Chanchal Se Kuch Chup Chup Se
Kuch Pagal Pagal Lagte Ho
Hain Chahne Wale Aur Bahut
Par Tum Mein Hai Ek Baat Bahut
Tum Apne Apne Lagte Ho
Ek Baat Kahun Agar Sunte Ho
Tum Mujhko Achhe Lagte Ho
Ye Baat Baat Pe Kho Jana
Kuch Kehte Kehte Ruk Jaana
Ye Kis Uljhan Mein Rehte Ho
Kya Baat Hai Hum Se Keh Dalo
Ek Baat Kahoon Agar Sunte Ho
Tum Mujhko Ache Lagte Ho